Ё.Баатарбилэг: Боловсролын байгууллагад ажилладаг 0-5 насны хүүхэдтэй эцэг, эхчүүдийг ажлын 5 цагтай болгоно
Засгийн газрын хуралдаанаас гарсан шийдвэрийг БСШУС-ын сайд Ё.Баатарбилэг танилцууллаа.
Тэрбээр “Хорио цээр дууссны дараа сурагчид даваагаас бямба гараг хүртэл хичээллэнэ. Өөрөөр хэлбэл, зөвхөн ням гарагт л амарна гэсэн үг. Мөн гуравдугаар улирлын амралтаар амрахгүй. Түүнчлэн ЕБС-ийн төгсөлтийн шалгалтын долоо хоногийг хичээлийн долоо хоног болгохоор болсон.
Цэцэрлэгийн болон 1-5 дугаар ангийн сурагчид 6-р сарын 1-нээс, 6-12 дугаар ангийн сурагчид 6 дугаар сарын 8-наас амарна.
ЭЕШ-ыг 6 дугаар сарын 8-11-ний хооронд зохион байгуулна. Харин их, дээд сургуулиудын элсэлтийг 6 дугаар сарын 15 гэхэд дуусгасан байна.
Их, дээд сургуулиудын бүх дамжааны оюутнууд 6 дугаар сарын эхэн гэхэд амарсан байна.
Одоогоор БСШУС-ны салбарын бүх үйл ажиллагаа зогссон байгаа. Улаанбаатарт 3 дугаар сард зохион байгуулагдах байсан олон улсын хоёр тэмцээнийг хойшлуулсан.
Үндэсний шигшээ багийн тамирчид олимпийн эрх авах тэмцээнээс бусад гадаад орны тэмцээнд оролцохгүй.
Мөн Боловсролын байгууллагад ажилладаг 0-5 насны хүүхэдтэй эцэг, эхчүүдийг ажлын 5 цагтай болгохоор боллоо” гэв
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна