LIVE: Ч.Сайханбилэгийн хийсэн мэдэгдэлтэй холбогдуулан ХЗДХ-ийн сайд Х.Нямбаатар мэдэгдэл хийж байна!

Х.Нямбаатар:

- Далд уурхайн бүтээн байгуулалтыг зээлийн санхүүжилтээр хийхийг гэрээгээр хүлээн зөвшөөрсөн. Ингэхдээ зээлийн хүү нь 10 хувь буюу бараг ломбардныхтай ижил.  Татвартай холбоотой асуудал дээр УИХ-ын бүрэн эрхийг Засгийн газар эдэлснийг Захиргааны хэргийн шүүх хүчингүй болгосон. Менежментийн төлбөр гэж Далд уурхай бүтээн байгуулалтын санхүүжилтийн төлөвлөгөөгөөр хүлээн зөвшөөрсөн. Энэ бүхнийг засаж, гэрээг сайжруулахаар  чармайж байна.

-          Л.Оюун- Эрдэнийн Засгийн газар Оюутолгойн гэрээ хэлэлцээрийг сайжруулахад гадны нөлөөнд автахгүй байх дээр маш их анхаарч ажиллаж байна. УИХ 92, 40, 57 дугаар тогтоолоороо чиглэл болгосон  төслийн үр өгөөжийн 53 –с илүү хувь нь монголчуудад байх ёстой гэдэг зарчмыг баримталж, хэлэлцээг үргэлжлүүлж байна. Цаашид хөрөнгө оруулагч тал төслийн үр өгөөжийг нэмэгдүүлэх тал дээр бодит алхам хийхгүй бол хэлэлцээ үргэлжлэх боломжгүй гэдгийг удаа дараа илэрхийлсэн.

-          Оюутолгой компани албан захидлаараа нэг зүйлийг тодорхой хүлээн зөвшөөрсөн. Тодруулбал, цаашид монголчууд энэ байдлаараа явбал ирээдүйд 22 тэрбум ам долларын өртэй үлдэнэ гэдгийг өөрсдөө баталж өглөө. Хэрэв төсөл 53, 47 гэх харьцаатай явсан бол яагаад 22 тэрбум ам.долларын өртэй, ухсан нүхтэй үлдэх байсан гэж. Өөрөөр хэлбэл,  санхүүгийн модель нь алдаатай, үр өгөөж нь 53, 47 гэх харьцааг илэрхийлээгүй гэдгийг баталгаажуулчихлаа. Ирэх 7 хоногт хэлэлцээ үргэлжилнэ.

-          Ч.Сайханбилэг АНУ-д байгаа гэдэг нь хэнд ч ойлгомжтой болсон.

-          Ч.Сайханбилэгийг Интерполоор эрэн сурвалжилж байгаа. АНУ-тай эрхзүйн талаар харилцан туслалцах гэрээ,  Ялтан солилцох гэрээг байгуулж байж, хэрэгт шалгагдаж буй хүнийг тухайн улсын хууль сахиулах байгууллагын тусламжтайгаар албадан ирүүлэх боломжтой. Монгол улсын Ерөнхий сайд байсан хүний хувьд өөрийнхөө хийсэн үйлдлийг хууль ёсны гэж үзэж байгаа бол асуудал үүсгэлгүйгээр хууль шүүхийн байгууллагаар асуудлаа шударгаар шүүлгэх нь хэрэгтэй.

-          Иргэн Ч.Сайханбилэгт хэлэхэд, харийн нутагт, харийн компанийн ПР маркетинг хийж суухаар эх орон, элгэн садандаа ирж, Оюутолгойн төслийг сайжруулахад сэтгэлээ чилээгээч. 

-          Рио тинтотой гэрээ хэлэлцээр ярингуут Ерөнхийлөгч асан Ц.Элбэгдорж гудамжны бүх жагсаал цуглааны ард байдаг.

-          Оюутолгойн гэрээг сайжруулахад яагаад эдгээр хүмүүсийн "алерги" хөдлөөд байгаа юм бол. Нэг нь АНУ-аас их сандарсан байдалтай мэдэгдэл хийж, нөгөө нь дотоодын иргэний нийгмийн байгууллагуудыг өдөөн турхирч байна. 

- Ямар байгууллага, ямар улсын захиалгаар ийм үйлдэл хийгээд байгааг ер ойлгохгүй байна. Монгол улсын Ерөнхийлөгч, Ерөнхий сайд байсан хүний хувиар асуудалд хандаасай гэж хүсэж байна.