Хөгжлийн банктай нэр холбогдсон эрх мэдэлтнүүдийн нэг нь Х.Баттулга. Түүний зөвлөх Ц.Ууганбаяр нь гэр хорооллын барилгажилтын асуудал хариуцсан зөвлөхөөр ажиллаж байхдаа Төрийн орон сууцны корпариациас Шинэ яармаг орон сууцны хороолол барихаар 2015 оны тавдугаар сарын 28-нд 142.4 тэрбум төгрөг зээлжээ.

 Ерөнхийлөгчийн хорооллын барилгажилтын асуудал хариуцсан зөвлөхөөр ажиллаж байх хугацаандаа эрх мэдээлээ ашиглаж их хэмжээний зээл авсан Ц.Ууганбаяр шүүхэд хандаж, Хөгжлийн банкны барьцаанд тавьсан 21 үл хөдлөх хөрөнгөө чөлөөлүүлэх хүсэлтийг 2019 онд Сүхбаатар дүүргийн шүүхэд гаргасан байна.

Улмаар шүүгч тэдний талд шийдвэр гаргаж, 21 үл хөдлөх хөрөнгийг барьцаанаас суллажээ. Хамгийн сонирхолтой нь Х.Баттулгын зөвлөх Ууганбаяр өөрт нь итгэж зээл өгсөн Төрийн орон сууцны корпораци ТӨУҮГ-ыг үндэслэлгүйгээр хөрөнгөжсөн гэж гомдол гаргаад барьцааны хөрөнгөө суллуулсан байх юм. Гэхдээ энэ барилга, үл хөдлөх хөрөнгийн жинхэнэ эзэн нь Х.Баттулга. 

Тэрбээр 2011 онд УИХ-ын гишүүн байхдаа “100 мянган айлын орон сууц хөтөлбөрийн хүрээнд хөдөө орон нутаг, Улаанбаатар хотод нийтдээ 16 хороолол босох юм. Үүний нэг болох «Шинэ Яармаг» хорооллыг байгуулах хөрөнгийн асуудал шийдэгдэж байгаа. Ерөнхий сайд БНХАУ-д хийсэн айлчлалынхаа хүрээнд санамж бичигт гарын үсэг зурсан. Энэ санамж бичгийн дараагийн алхам нь жилийн дөрвөн хувийн хүүтэй,12 жилийн хугацаатай орон сууцны зээл юм. Одоо энэ зээлийг буцааж төлнө гэсэн  баталгааг Хөгжлийн банк гаргаснаар “Шинэ яармаг” хороолол баригдана. Энэ хороололд 15 мянган айлын орон сууц баригдана. 

Хөгжлийн банкнаас эх үүсвэр үнэтэй орж ирэх юм бол барилгын салбар руу үнэтэй очно. Жишээ нь арилжааны банкнууд сарын нэг хувийн хүүтэй зээл өглөө гэж бодоход жилийн 12 хувь болчхож байгаа юм. Ийм тохиолдолд нөхцөл байдал хүндэрнэ. Үүний зөрүүг засгаас  төлнө. Тухайлбал 12 хувийн хүүтэй зээл өгвөл зөрүү зургаан хувийг нь төр төлнө гэсэн үг. Энэ нь нөхцөл сайтай зээл учраас аль болохоор бага зөрүү гаргаж, бага хувийг улсын нуруун дээр үүрүүлэх бодолтой байна. Ер нь ажлын эхлэлээ зөв тавьчхад цаашаа зөв үргэлжилнэ шүү дээ” хэмээн ярьж байжээ.

Эндээс харахад Х.Баттулга хөгжлийн банкнаас зээл авсан, шинэ яармаг гэгч хорооллын эзэн болох нь үндсэндээ батлагдаж байна. Тиймээс ч тэрээр Ерөнхийлөгч байхдаа өөрийнхөө “хонгил”-ын шүүгч нарт үүрэг өгч, барьцаанд байсан үл хөдлөх хөрөнгүүдээ татаж авсан биз. Х.Баттулгын зөвлөх Ц.Ууганбаяр нь “Н я х п” ХХК-ийн хувьцаа эзэмшигч “Д о м” ХХК-ийн 67 хувийн хувьцаа эзэмшигч бөгөөд түүнтэй холбоотой томоохон маргаанууд шүүх дээр одоо ч шалгагдаж байгаа юм байна.