Их хэмжээний бонд гаргаж, Хөгжлийн банкыг дээрэмдэх ажилд хуруу гараа хамгийн гүн гүнзгий дүрсэн хүн бол “Фортуна” Батбаяр. Н.Батбаяр гэгч энэ эр Эдийн засгийн хөгжлийн сайдаар ажиллаж байхдаа гэнэт бөө болж, Төрийн ордонд гал тахиж, ёстой л нэг дур зоргоороо авирласан.

 Өөрийгөө төрийн их зайран гэж өргөмжлөхдөө тулаад байсан Н.Батбаяр: "Чингис бонд бол өр биш, Чингис хаанаас бидэнд өгсөн хишиг" хэмээн мэдэгдэж байв. Тэр ч бүү хэл Өрийн удирдлагын тухай хуулийн “өр” гэдэг үгийг “өглөг” хэмээн солихыг шаардаж, Н.Алтанхуяг 1981 онд Алтантуяа нэрээ Алтанхуяг болгож сольсноор хожим АН-ын дарга, Ерөнхий сайд болсон.

 Үг гэдэг ийм хүчтэй. Тиймээс муу нэрийг сольж байх ёстой, сайн юм болно” хэмээн айлдаж “Монгол Улсад өр байхгүй ээ. Өргүй байж өртэй мэт ярихаар өрийг дуудсан буруу үйл болоод байна.

 Тиймээс засал хийе “гэж ярьж суусан нэгэн. Н.Батбаяр Эдийн Засгийн хөгжлийн сайдаар томилогдонгуутаа өөрийнхөө зөвлөх Н.Мөнхбат гэгч залууг Хөгжлийн банкны захирлаар томилж, тэр цагаас хойш Монголчууд өрөнд баригдаж, өнөөх өр нь тэрбумтангуудын халаас руу зээл нэрээр урсаж орсон байдаг юм. 

Н.Батбаяр Эдийн засгийн хөгжлийн сайд  байхдаа “Чингис”, “Самурай” бондуудын нийт 2.1 тэрбум ам.долларын захиран зарцуулалтыг хариуцаж байлаа.  Гэхдээ энэ мөнгөнөөс Н.Батбаяр, Н.Мөнхбат нарын  зөвхөн хувьдаа тансагласан тансаглал гэхэд арав орчим тэрбум төгрөгт хүрээд байна. 

Тодруулбал, Хөгжлийн банкны Гүйцэтгэх захирал Н.Мөнхбатын 2014 онд Санкт-Петербург хотод хийсэн албан томилолтын 3 хоногийн зочид буудлын төлбөрт гэхэд 11 сая 925,000, нислэгийн тийзэнд 8 сая 985,000 төгрөг төсөвлөн баталсан. Мөн уг айлчлалаар Эдийн Засгийн Хөгжлийн сайд Н.Батбаяр болон Bloomberg телевизийн хөтлөгч, зураглаач нарын буудлын төлбөрт  1 хүний хоногийн 1 сая 224,300 төгрөг болон замын зардлыг Хөгжлийн банкнаас гаргасан. 

Гүйцэтгэх захирал асан Н.Мөнхбатын Хонгконгд чуулга уулзалтад оролцох 3 хоногийн нийт зардал 8 сая 691,703 төгрөг, нэг хоногийн буудлын төлбөр гэхэд л 786 ам доллараар төсөвлөгддөг байжээ. Гүйцэтгэх захирал асан Н.Мөнхбатыг 2013 онд БНХАУ-д Эдийн засгийн хөгжлийн сайд Н.Батбаяр болон дагалдан явах орчуулагчийн 1 хүний хоногийн зочид буудлын төлбөрт 2 сая 908,350 төгрөг, бусад зардалд 5000 ам доллар төсөвлөсөн гээд тансаг хэрэглээний үрэлгэн зардлын жагсаалт хөвөрнө. 

Энэ бол гуравхан аяллын төлбөр. Энэ мэтчилэн асар урт жагсаалт бий. Н.Батбаяр, Н.Мөнхбат нар  2012-2015 оны хооронд олон нийтэд мэдээлэл түгээх зорилгоор хэвлэл мэдээллийн байгууллагад 4 тэрбум орчим төгрөг зарцуулсан байх ба “Блүүмберг ТВ”-тэй гэхэд 2013 онд 816 мянган ам доллараар зар сурталчилгааны гэрээ байгуулжээ. Энэ мөнгийг өнөөдрийн ханшаар тооцвол бараг 2.5 тэрбум төгрөг болох нь.

 Тэд зөвхөн 2016 оны эхний хагас жилд гэхэд 1.2 тэрбум төгрөг суртачилгаандаа зарцуулжээ. “Блүүмберг ТВ” бол Худалдаа хөгжлийн банкны телевиз гэдгийг бүгд мэднэ. Н.Батбаяр, Н.Мөнхбат нар Худалдаа хөгжлийн банкны эзэн Эрдэнэбилэг гэдэг хүний хувийн телевзийг санхүүжүүлж, барьсан байрнаас 28 тэрбумаар 2-хон давхарыг нь худалдан авч байсан баримтууд бий.

 Хамгийн ноцтой нь  “Кью Эс Си” компани, Хөтөл цемент, шохой компани, Худалдаа хөгжлийн банкинд их хэмжээний зээл өгчээ. Тодруулбал, Кью Эс Си компанид Хандгайт өртөөнөөс Төмөртэйн уурхай хүртэл 33.4 км урт төмөр зам болон ачиж, буулгах терминал барихаар 2014 онд 71 сая доллар, Хөтөл цемент шохойн үйлдвэрт  нь 2012 онд 61 сая доллар, Худалдаа хөгжлийн банкинд  нь 2021 онд 6 тэрбумын зээл өгсөн байна. 

Өнөөдөр “сахал” хочит Эрдэнэбилэгийн Хөгжлийн банкнаас авсан зээлийн хэмжээ нь  508 тэрбум төгрөгөө  хүрээд байгаа бөгөөд эргэн төлөлт хийхээс зайлсхийж байгаа юм.