Энэ сарын 19-ны өдөр Сонгинохайрхан дүүргийн нутаг дэвсгэр дэх гэрээсээ 15 настай охин гараад алга болсон тухай дуудлага цагдаагийн байгууллагад иржээ.

Охиныг шуурхай эрэн сурвалжилж өчигдөр 20:00 цагийн орчимд олж, тогтоон ар гэрт нь хүлээлгэн өгсөн байна. Тэрбээр хүнд хулгайлагдсан нөхцөл байдал гараагүйг цагдаагийн байгууллага баталлаа.

Уг дуудлагын дагуу шалгалтын ажиллагааг Сонгинохайрхан дүүргийн цагдаагийн хоёрдугаар хэлтсээс зохион байгуулжээ.