#Шууд: Боомтын сэргэлтийн хүрээнд БНХАУ-тай төмөр замын 5 гарцаар холбогдоно…


“Монголын төмөр зам” ТӨХК-ийн төслийн дарга Т.Сайнжаргал: 

- Манай улс  2019 оноос өмнө босоо тэнхлэгийн ганц төмөр замтай байсан. Энэ нь УБТЗ-ын харъяа 1000 гаруй км үргэлжлэх төмөр зам. Хойд хэл нь Сүхбаатар, урд хил нь Замын-Үүд. Харин 2019-2022 оны хугацаанд 1000 орчим км төмөр зам өөрсдийн хөрөнгөөр барьсан. 

- Одоо 2 төсөл хэрэгжих гээд хэлэлцээрийн шатан дээрээ явж байна. Төрөөс баримтлах бодлогын баримт бичигт 1,2,3 дугаар үүе шаттайгаар 5600 км төмөр замыг барихаар заасан. Үүний хүрээнд Шинэ сэргэлтийн бодлогын хүрээнд Боомтын сэргэлтийн хүрээнд дээрх төслүүд хэрэгжих гээд бэлэн болж сонгон шалгаруулалтаа зарлаад концессын хэлцэлдээ явж байна. 

- Тухайлбал Зүүн босоо тэнхлэг буюу Чойбалсан-Хөөт-Бичигт чиглэлийн 426 км төмөр замын концесс эзэмшигч нь тодорхой болоод концессын хэлцэлдээ явж байна. Энэ төмөр зам Чойбалсан, Эрээнцавтай холбогдоно. Өөрөөр хэлбэл энэ төмөр зам ОХУ, БНХАУ, Монгол улсыг холбосон Зүүн босоо коридор буюу олон улсын транзит тээврийн төмөр зам болно. 

- Зүүн босоо тэнхлэг буюу Чойбалсан-Хөөт-Бичигт чиглэлийн 426 км төмөр зам дээр 2,2 тэрбум ам.долларын хөрөнгө оруулалтаар барина. 

- Хилийн холболт буюу Бичигт-Зүүнхатавч чиглэлийн төмөр замын ТЭЗҮ-г МТЗ хийнэ. Ирэх онд бүтээн байгуулалтын ажил нь эхэлнэ. 

-  Баруун босоо чиглэл буюу Шивээхүрэн-Нарийнсухайт- Арцсуурь чиглэлийн 1400 орчим км төмөр замын төслийн сонгон шалгаруулалт хийгээд мөн л концессын хэлцэл дээрээ явж байна. Нийт 3,4 тэрбум ам.долларын бүтээн байгуулалт хийнэ. Үүний хилийн холболт буюу Шивээхүрэн-Сэхээ чиглэлийн 7,1 км нарийн царигийн төмөр замын бүтээн байгуулалт яг одоо дээд үеийн угсралт хийгдэж байна. 

-  Боомтын сэргэлтийн хүрээнд БНХАУ-тай төмөр замын 5 гарцаар холбогдох нөхцөл бүрдэж байна. Ирэх жил 3 төмөр замын төсөл хэрэгжинэ.  Боомтын 4 төмөр замын төслийн ажил явагдана. Энэ бүгд ТЭЗҮ-тэй.