Засгийн газрын ээлжит хуралдаанаар "Хамтарсан Засгийн газарт итгэл үзүүлэх эсэх" тогтоолын төслийг сайд нарын 100 хувийн саналаар дэмжиж, Улсын Их Хурлаар хэлэлцүүлэхээр болсон нь улс төрийн хүрээнд анхаарал татаж байна. Тус тогтоолын төсөл нь эрх баригч Монгол Ардын Нам (МАН) болон Ардчилсан Нам (АН)-ын хамтарсан Засгийн газрын ирээдүй, бүрэн эрхийн тухай асуудлыг хөндөж буй юм.

Энэ асуудалтай холбогдуулан УИХ-ын гишүүн Х.Тэмүүжин байр сууриа илэрхийлжээ. Тэрбээр хэлэхдээ, Ерөнхий сайд анх Засгийн газраа байгуулахдаа АН-ыг хамтран ажиллахыг урьсан боловч МАН-ын Бага хурал уг саналыг үгүйсгэн, АН-гүйгээр Засгийн газрыг бүрдүүлэх шийдвэр гаргасан болохыг дурдсан байна. "Ийм нөхцөлд АН-ын сайд нар Засгийн газраас гарах шийдвэрээ өөрсдөө илэрхийлсэн. Энэ бол итгэл үзүүлэх эсэхийн тухай асуудлаас хамаарахгүйгээр хийгдсэн алхам юм. Хөшигний цаана маргаан явагдаж байгаа нь үнэн. Ерөнхий сайдын хүүхдийн тансаг хэрэглээтэй холбоотой асуудал олон нийтийн дунд шүүмжлэл дагуулсны дараа МАН доторх хоёрдугаар ээлжийнхэн 'хоолондоо ормоор байна' гэдэг шийдвэр гаргасан нь ил тод болж байна шүү дээ" хэмээн тэр онцолжээ.