Өнөөдөр Төрийн байгуулалтын байнгын хорооны хурлаар Ерөнхий сайд Г.Занданшатарыг огцруулах асуудлыг хэлэлцэх байв. Гэвч АН-ынхан бүлгийн хурал зарлаж, ганц ч хүн байнгын хорооны хуралдаа орж ирсэнгүй. ХҮН намынхан ч бас хурлаа таслав. Төрийн байгуулалтын байнгын хорооны дарга Ц.Сандаг-Очир АН, ХҮН намынхныг хуралдаа орж ирэхийг 35 минут хүлээгээд, хурлаа аргагүйн эрхэнд завсарлуулах шийдвэр гаргалаа.
О.Цогтгэрэл тэргүүтэй АН-ынхан шинэ Засгийн газарт орж ажиллах, эрх мэдэлд хүрчих санаархал агуулж байгаа нь илт байна. Харин ХҮН намынхан сайд нарынхаа суудлыг баталгаажуулах хувийн тоглолт хийж, төрийн ажлыг гацааж эхлэв.