Монгол Улсад коронавируст халдварын тохиолдол зөөвөрлөгдөн орж ирсэн тул урьдчилан сэргийлэх зорилгоор нийслэл, аймаг, сумаас гарах хот хоорондын зорчигч тээвэр болон хувийн тээврийн хэрэгсэл орон нутгийн хуваарьт нислэг, суудлын галт тэрэгний хөдөлгөөнийг түр зогсоосон. Энэ хязгаарлалт маргааш өглөө буюу гуравдугаар сарын 16-ны өдрийн 07 цагаар дуусна. Өнөөдөр Улсын онцгой комиссын шуурхай штабаас дээрх хязгаарлалтыг сунгах эсэх асуудлыг шийднэ. Яг одоо  Улсын Онцгой комиссын шуурхай штаб Онцгой Байдлын Ерөнхий Газарт хуралдаж байна. Тэд 12 цагаас мэдээлэл хийх юм.