Манай улс энэ оны хоёрдугаар сарын 22-ны өдөр коронавирусийн эсрэг вакцинуудыг хүлээн авч, 23-наас эхлэн иргэдээ вакцинжуулж эхэлсэн. Өнөөдрөөс эхлэн зорилтот бүлгийн иргэдэд вакцины гуравдугаар тунг хийж эхэлжээ. Тодруулбал Эрүүл мэндийн сайдын тушаалын дагуу Астразенека вакцины хоёр тун хийлгэсэн эмч, цагдаа, онцгой, мэргэжлийн хяналтын албан хаагчдад сайн дурын үндсэн дээр  гуравдугаар тунг хийж эхэлсэн байна.