2021 оны Элсэлтийн ерөнхий шалгалт өнөөдөр /2021.08.19/ орон даяар Монголын түүх хичээлээр 10:00 цагт нэгэн зэрэг эхэлсэн. 

Улаанбаатар хотод Элсэлтийн ерөнхий шалгалт өгөх шалгуулагчид шалгалтын үеэр нийтийн тээврээр үнэ төлбөргүй зорчихоор болсон байна. 

Тодруулбал энэ сарын 19-22-ны өдрүүдэд ЭЕШ өгөх сурагчид шалгалтын бичиг баримт /иргэний үнэмлэх, бүртгэлийн хуудас, суудлын хуваарь, бүрэн дунд боловсролын үнэмлэх/-аа үзүүлэн нийтийн тээврээр үнэ төлбөргүй зорчих аж.