Засгийн газрын хуралдаанаас гаргасан шийдвэрийн талаар мэдээлэл хийж байна. Энэ үеэр Эрүүл мэндийн сайд С.Энхболд нэмэлт тун хийлгэсэн цагдаагийн албан хаагчид халдвар өртсөн гэх мэдээлэлд болон бусад цаг үеийн холбоотой асуудалд хариулт өглөө. 

С.Энхболд:  

- Гурав дахь тун буюу нэмэлт тунгаа хийлгэсэн цагдаагийн албан хаагчид халдвар өртсөн байна гэх мэдээлэл нийгмийн сүлжээнд гарсан. Нэмэлт тунг  астразеника вакцин хийлгэсэн төрийн албан хаагчид буюу зорилтод бүлгийн иргэдэд хийж байгаа. Өнөөдрийн байдлаар нэмэлт вакцины тунг 13 мянган хийлгээд байна. Нэмэлт тун хийлгэснээр халдвар тархана гэх ойлголт байхгүй. Харин эсрэгээрээ буюу эсрэг биеийн титр нэмэгдэж, дархлаа тогтдог гэдэг нь судалгаагаар тогтоогдсон. 

- Өмнө нь Синофарм үйлдвэрийн вакцин хийлгэсэн хүмүүс Файзерын вакцин хийлгэж болох уу гэж олон хүмүүс асууж байна. Судалгаа хийгдэж байна. Аль ч коронавирусний эсрэг вакцин бүрэн тунгаа хийлгэснээс хойш 3 сарын дараа эсрэг биеийн титр буурч байна. Тиймээс нэмэлт тунгийн асуудал яригдаж буй. ДЭМБ ч үүн дээр нэлээд нухацтай хандаж байгаа. 

-Манай улсад 60 дээш насны 450 мянган иргэн байдаг.  Одоогоор 65 дээш насныханд нэмэлт тун хийх талаар судалж байна. Ойрын хугацаанд хийхээр төлөвлөсөн. Вакцины  3 дахь тун дээр ямар нэгэн төлбөрийн асуудал яригдахгүй. Татан авалт графикийн дагуу хийгдсэн. 

- Вакцины нэмэлт тун дээр манай улс файзер вакциныг сонгож, нөөцлөн бэлдсэн.