#Шууд: Угаарын хийн хордлогын эрсдэлээс урьдчилан сэргийлэх аяны дүгнэлт болон бусад цаг үеийн асуудлаар мэдээлэл хийж байна.

НАБТГ-ын дарга Б.Пүрэвсүрэн:

- 2019, 2020 онуудад иргэдэд сайжруулсан түлш түлэхтэй холбоотой мэдээллийг өгч ирсэн. Өнөөдрийн байдлаар иргэд энэ талаар нэлээн сайн мэдээлэлтэй болжээ. Гэвч  энэ жилийн угаарын хийн эрсдлүүдийн дийлэнх нь иргэдийн  хайхрамжгүй байдлаас үүдэлтэй байна. Өнгөрсөн жил нийслэлийн хэмжээнд "Яндангаа хөөлье" аяныг зохион байгуулсан. Яндангаа хөөлөх нь өрх бүрийн дадах ёстой зуршил. Гэвч үүнийг хийгээгүйн улмаас угаартсан тохиолдлууд гардаг. Энэ жил гэхэд л төсвийн гаргаад хөгжлийн бэрхшээлтэй, өндөр настан зэрэг 10 мянган айлын янданг хөөлөх ажиллагааг зохион байгуулна. Энэ жилээс "Тавантолгой Түлш" компани угаарын мэдрэгч дамжуулагчийг ажиллуулж эхэлсэн. 

- 2021 оны 10 дугаар сард НЭМГ-т 430 угаарын дуудлага ирсэн. Энэ нь өнгөрсөн жилийнхнээс 282 -оор бага байна. Эдгээр иргэдээс насанд хүрсэн 232 иргэн, насанд хүрээгүй буюу хүүхэд 198 байна.

- 2019-2020 оны галлагааны улиралд угаарын дуудлагаар 2970 иргэн угаартсан тоо бүртгэгдэж байсан.