Хүчтэй цасан шуурганы улмаас  нэг өрхийн 350 бог мал хорогджээ. Тодруулбал,  Увс аймгийн Давст сумын Хандгайт багийн  “Хараадай” гэдэг газар /аймгийн төвөөс зүүн зүгт 95 км-т, сумын төвөөс баруун зүгт 45 км-т/ 11.27-ны өдрийн 04:00 цагийн орчим 18-20 м/с хүчтэй цасан шуурга шуурсаны улмаас 1 өрхийн 350 бог мал хорогдсон тухай мэдээллийг мөн өдрийн 11:10  цагт хүлээн авсан. Тус сумын харьяат малчин А-ын 1500 бог мал цасан шуурганд уруудсанаас 1150 бог малыг эсэн мэнд олж, 350 бог мал хорогдсон тухай мэдээллийг тухайн малчин нь аймгийн Онцгой байдлын газарт мэдээлжээ.