Улаанбаатарт хотод үргэлжлэн орсон борооны улмаас үерийн нөхцөл байдал хүндэрсээр байна. Сэлбэ голын далан сэтэрсэнтэй холбогдуулан нийслэлийн хэд хэдэн дүүргийн байршлууд усанд автаад байгаа бол Туул голын усны түвшин нэмэгдэж эхэлсэн байна. Тиймээс Нийслэлийн Засаг даргын зүгээс өнөөдөр эхлэх “Playtime festival” -ыг хойшлуулахыг зохион байгуулагчдад нь зөвлөсөн байна. Учир нь тус фестиваль болох Гачуурын аманд Туул голын үерийн ус хальж орж ирсэн талаар албаныхан мэдээллээ.