Мобиком корпорацийн гүйцэтгэх захирал Кожи Курушимагийн саяхан нэгэн нислэгийн үеэр зэрэгцэн суусан иргэд нь тухгүй байдал үүсгэжээ. Тэрбээр энэ талаараа өөрийн цахим хуудастаа бичээд удалгүй устгасан байна. 

Тухайн нислэгийн үеэр  хажууд суусан зорчигч нь гарын тохойгоо өөрийн орон зайгаас хэтрүүлэн байрлуулж, тухгүй нөхцөл үүсгэсэн байна. Гэвч тухайн хүн ахмад настай байсан тул дуугүй өнгөрүүлж, цонхны тал руу налан суужээ. 

Мөн өөр нэг тохиолдол нь хажуугийн зорчигч эмэгтэй нь урд суудлын халаасыг хогийн сав мэт ашиглаж, дотор нь байсан номынх нь дээр хог хийсэн байна. Хэдийгээр тухайн эмэгтэй бага насны хүүхэдтэй байсан ч өөрийн суудлын халаасыг ашиглах боломжтой байсан гэжээ.

Тэрбээр “Жижиг зүйл мэт боловч бусдыг бодож, хувиа хичээхгүй байх нь чухал” хэмээн онцолж, эдгээр нөхцөл байдал тухайн өдрийг нь таагүй өнгөрүүлэхэд нөлөөлсөн хэмээн бичсэн байна.