Засгийн газраас хатуу хөл хориог үргэлжлүүлэн тавдугаар сарын 8-ны 06.00 цаг хүртэл сунгах шийдвэр өнөөдөр гаргалаа. Энэ талаар Шадар сайд, УОК-ын дарга С.Амарсайхан:

- Юуны түрүүнд халдварын голомтод ажиллаж байгаа эмч, сувилагч, онцгой, цэрэг, цагдаагийн албан хаагчдадаа талархаж байгаагаа илэрхийлье. УОК болон Засгийн газраас хатуу хөл хориог дахин 14 хоног сунгах шийдвэр гаргасан. Учир нь халдварын голомт эрчтэй тархсаар байна. Сүүлийн 24 цагийн байдлаар 1200 гаруй тохиолдол бүртгэгдээд байна. Түүнчлэн коронавирусний мутацид орсон хувилбар манай улсад бүртгэгдсэн. Турк улсаас зөөвөрлөгдөж орж ирсэн батлагдсан тохиолдол мутацид орсон хувилбар гэдэг нь тогтоогдсон гэлээ. 

Хэвлэлийн бага хурал үргэлжилж байна.