АН-ын нэр дэвшигчийг бүртгээгүй СЕХ-ны шийдвэртэй холбогдуулан хуульч Ш.Алтангадасаас тайлбар авч байна. #Шууд

 Хуульч Ш.Алтангадас:

- Нам эвсэл дотроо нэр дэвшигчээ тодруулсны дараа СЕХ-д бүртгүүлэх асуудал яригдана. Ерөнхийлөгчийн тухай хуулийн 28 дугаар зүйлд заасны дагуу Сонгуулийн Ерөнхий хороо нэр дэвшигчийн материалыг өнөөдөр хүлээж авах ёстой.

Мэдээллээс харахад СЕХ Н.Алтанхуягийн материалыг хүлээж авалгүй буцаасан байна. Нэр дэвшигчийн материалыг буцаах талаар хуульд заагдсан зүйл байхгүй. Өгсөн материалыг хянаж үзээд ийм зүйл дутуу байна гэвэл нөхөж өгөх хуулийн процесс байдаг болохоос хүлээж авах боломжгүй гэх ойлголт байхгүй.  

Нөгөө талаар энэ бол татгалзаж байна гэсэн ойлголт биш байна. 

1 рт, Татгалзах шийдвэр гаргах хуулийн хугацаа болоогүй. 

2-рт СЕХ хуралдаж, хорооны гишүүдийн шийдвэр гарч, тогтоол гарч байж татгалзах, үл татгалзах процесс өрнөдөг. Өөрөөр хэлбэл Ерөнхийлөгчийн сонгуульд нэр дэвшигчийн материал хүлээж авах энэ процесс дээр СЕХ хууль зөрчиж байна гэлээ.