#ШУУД: О.Гэрэлт-Од: Би хуулийн дагуу МЗХ-ны ерөнхийлөгч хэвээр байгаа! МЗХ-нд байсан хэсэг залуус хууль бус хурал хийж дүрмийн бус хүн гаргаж ирсэн.

 О.Гэрэлт-Од: 

 Дэд Ерөнхийлөгч тэргүүтэй хүмүүс байгууллагын эрх мэдлийг хууль бусаар авахыг оролдсон

- МЗХ-ны 6 дугаар Их хурлаас баталсан дүрмийн дагуу 2021 оны 10 дугаар сарын 27-ны өдөр Үндэсний залуучуудын зөвлөлийн 3 дугаар хуралдаанаа хуралдуулсан. Гэвч  манайд ажиллаж байгаад гарсан хэсэг залуучууд хурал хийж, бас нэг хүнийг Ерөнхийлөгчөөр сонгосон байна.

- МЗХ-ны дүрэмд ҮЗЗ-ийн хурлыг Ерөнхийлөгч зарладаг. Улмаар 8 дугаар сарын 2-ны өдөр 9 дүгээр сарын 2-ны өдөр зарлан хуралдуулахаар шийдвэрлэсэн ч  эрүүл мэндийн шалтгаантай, дээр нь хурлын бэлтгэл ажил хангагдаагүй байсан тул дахин хойшилж, 10 дугаар сарын 27-ны өдөр хуралдуулсан.

- Гэтэл хэсэг залуучууд хууль бус хурал зарлаж, миний бүрэн эрхийг түдгэлзүүлсэн гэх мэдээлэл гаргасан. Энэ хурал бол хүчин төгөлдөр бус хурал гэдгийг онцолмоор байна.


- Өнгөрсөн сарын 27-ны өдөр хуралдсан хурлаараа УЗ-ийн 20 гишүүнийг сонгож, Улсын бүртгэлд бүртгүүлсэн.

- Манай холбооны зарим Дэд Ерөнхийлөгч тэргүүтэй хүмүүс өнгөрсөн 8 дугаар сард байгууллагын эрх мэдлийг хууль бусаар авах оролдлого хийсэн. Тэд УЗ-д нэмж 5 хүн элсүүлнэ гээд Монголын Залуучуудын Удирдах хороо гэх тамга хийлгээд УБЕГ-т хандаж, шинэ Ерөнхийлөгч сонгохоор ажиллаж байсан. Уг үйлдлийг нь таслан зогсоосон. 

- Энэ үйл ажиллагааг зохион байгуулсан Дэд Ерөнхийлөгчийг эрх үүргийнхээ хүрээнд чөлөөлсөн. Дүрэмд Ерөнхийлөгч нь Дэд Ерөнхийлөгчөө чөлөөлөх эрхтэй байдаг.  


 Барилгын асуудал хувь хүний ашиг сонирхолтой холбоотой

- 2021 оны 3 дугаар сарын 05-ны өдрийн МЗХ-ны УХ-ны тогтоолоор залуучуудын байгууллага үүсэж хөгжсөний түүхт 100 жилийн ойг тохиолдуулан төв байрыг өргөтгөх, шинэчлэх, засвар тохижилтыг хариуцан зохион байгуулж ажиллахыг Ерөнхийлөгч О.Гэрэлт-Од, ЕНБД  А.Давааням нар даалгасан.  Улмаар 4,5 дугаар сард барилгын ажил эхэлсэн. Гэвч үүнийг гэнэт өнгөрсөн 10 дугаар сараас ярьж эхэлсэн. Энэ нь хувь хүний ашиг сонирхолтой холбоотой асуудал. 

- Холбооны Удирдах хорооны зарим гишүүд гэнэт өгсөн үүрэг даалгавраасаа буцаж, дур мэдлээ гэж гүтгэсэн. Тиймээс барилгын ажлыг зогсоож, Удирдах хороогоор бус Их хурлаараа шийдэх шийдвэрт хүрсэн.

- Барилгын компани шүүхэд хандахаа мэдэгдсэн. 

- Залуучууд байгууллагын нэр хүндэд сөргөөр нөлөөлж байна. Одоогоор хуулийн байгууллагад өгсөн зүйл алга. МЗХ-ны үйл ажиллагаа хэвийн үргэлжилж байна. 

- МЗХ-г улстөржүүлж болохгүй.