#Шууд: Цэрэг татлагатай холбоотойгоор ОХУ-аас орж ирэх иргэдийн бөөгнөрөл хил дээр үүссэн үү?

Х.НЯМБААТАР:

- Өнөөдөр өглөөний 08 цагаас 12 цаг хүртэл Алтанбулаг боомтоор 6 орны 170 зорчигч орж ирсэнээс  ОХУ-ын 74 зорчигч байна. Боомт дээр нэг зорчигчийг шалгаж, оруулах хугацаа 8-10 минут.  Автозамын боомт учраас машинд нь үзлэг хийж, бичиг баримтыг нь шалгана. 12 цагийн байдлаар Хиагт дээр машины цуваа үүссэн байна гэдэг мэдээлэл гарсан. Сүүлд авсан мэдээллээр нэг хэсэг нь хилийн боомтын орчим, нөгөө хэсэг нь хоёрдугаар хаалтын цаана буюу Хиагт орчим оочерлож байгаа машинууд байна. Хиагт орчимд одоогоор 60 гаруй автомашин байна. Өмнө нь үүнээс арай их байсан.  Өчигдрөөс эхлэн Монгол улс руу зорчигчийн хөдөлгөөн ихэссэн мэдээтэй байна. ОХУ-тай харилцан визгүй зорчдог. 

- Нийгмийн сүлжээгээр цэрэг татлагатай холбоотойгоор зорчих хөдөлгөөн ихэссэн гэж болзошгүй гэх  таамаглал явж байсан. Энэ талаар ОХУ-аас энэ талаар тодруулахад, ОХУ-ын Ерөнхийлөгч цэрэг татлагыг нэмэгдүүлэх чиглэл бүхий зарлиг гарсан гэх мэдээлэл авсан. 

- Хуулиараа хүн амынхаа 0,1 хувьтай тэнцэх хэмжээний  гадаадын иргэдийг хүлээж авна. Одоогоор манай улсад 17-18 мянган гадаадын иргэн байна.  Өөрөөр хэлбэл ҮАБ-ийн баримт бичигт заасан хувь хэмжээнд хүрэх болоогүй гэсэн үг.