Засгийн газрын өнөөдрийн хуралдаанаар  Хонконг болон Тува улсад суух Ерөнхий консулыг томилсон.  Тодруулбал, Монгол Улсаас ОХУ-ын Бүгд найрамдах Тува улсад суух ерөнхий консулаар Сангийн сайд Ч.Хүрэлбаатарын төрсөн ах Ч. Ганболдыг,  Монгол Улсаас Хонконгод суух Ерөнхий консулаар  УИХ-ын гишүүн Д.Оюунхоролын  нөхөр Г.Жаргалсайханыг тус тус томилох шийдвэр гаргасан юм. 

 

Сангийн сайд Ч.Хүрэлбаатарын  төрсөн ах Ч.Ганболд нь Хөдөлмөр халамж үйлчилгээний газрын Хяналт мониторингийн даргаар ажиллаж байсан юм. Тиймдээ ч Сангийн сайд Ч.Хүрэлбаатарыг ахынхаа томилгоонд нөлөөлсөн гэх мэдээлэл байгаа. Ч.Хүрэлбаатараас энэ талаар тодруулахад Манай ахын хувьд насаараа төрд ажиллаж байгаа. Тува улсын Тэргүүн  Шолбан Валерьевич Кара-Оолтой сайн харилцаатай байдаг.  Тэрийг нь бодсон юм байлгүй. Миний хувьд ямар нэгэн байдлаар нөлөөлсөн зүйл байхгүй" гэлээ.