2019 оны 11-р сарын 14-ний өдөр Үндсэн хуульд Монгол Улсын Ерөнхийлөгчийг нэг удаа зургаан жилээр сонгодог байхаар нэмэлт өөрчлөлт хийсэн.

Нэр бүхий иргэний мэдээллийн дагуу Монгол Улсын Ерөнхийлөгчийн тухай хуулийн 6 дугаар зүйлийн 1 дэх хэсэгт “Ерөнхийлөгчийн бүрэн эрхийн хугацаа Үндсэн хуулийн гучдугаар зүйлийн 2 дахь хэсэгт зааснаар 4 жил байна.” гэж заасан нь Монгол Улсын Үндсэн хуулийн Гучдугаар зүйлийн 2 дахь хэсгийг зөрчсөн эсэх асуудлаар Үндсэн хуулийн цэцэд маргаан хянан шийдвэрлэх ажиллагаа үүсгэн шалгаж байна. 

Өөрөөр хэлбэл одоогийн хүчин төгөлдөр хуулийн хоёр заалт хоорондоо зөрчилдөж байгааг хянан шийдвэрлүүлэх хүсэлт гаргасан аж.