Өнгөрсөн өдрүүдэд Авлигатай тэмцэх газраас УИХ-ын гишүүн асан Кёкүшюзан Д.Батбаяр нарыг 32 тэрбум төгрөгийн залилангийн хэрэгт холбогдуулан шалгаж эхэлсэн талаарх мэдээлэл цахимд тархсан. Энэ талаар АТГ-аас тодруулахад “Манай байгууллагад энэ талаар иргэдээс гомдол ирүүлсэн.  Хэрэг бүртгэл нээгээд мөрдөн шалгах ажиллагаа явуулаад прокурорын байгууллагад харьяалал тогтоон ЦЕГ-т шилжүүлэх санал хүргүүлсэн.  Гэхдээ энэ нь тухайн хүнийг гэм буруутай гэдгийг нь эцэслэн тогтоосон дүгнэлт биш юм. Иргэд, ААН-үүдээс ирүүлсэн мэдээллийн хүрээнд мөрдөн ажиллагаа явагдаж байгаа төдий. Шүүхээр эцэслэн шийдвэрлэгдсэний дараа гэм буруутай эсэхийг ярих хууль зүйн үндэслэлтэй” гэлээ.