Хөвсгөл аймгийн Ханх сумаас баруун урагш зүгт 26 километрийн зайд Хөвсгөл нуурт өглөөний 05 цаг 32 минут 55 секундэд 6,5 магнитуудын хүчтэй газар хөдлөлт болсон. Одон орон геофизикийн хүрээлэнгээс мэдээлж байгаагаар Уг газар хөдлөлтийн гол бүс нь Хөвсгөл нуурийн сав газрууд байжээ.  Энэ удаагийн газар хөдлөлт сүүлийн 30 жил дэх 2 дахь хүчтэй газар хөдлөлт болсон байна. Эхнийх нь 1991 оны 12 дугаар сарын 27-ны өдөр Улаан-Уул сумын Бүсийн гол гэдэг газар буюу ОХУ-ын хилийн заагт 6,2 магнитудын газар хөдөлж байжээ.  Тухайн газар хөдлөлтийн чичиргээ Улаанбаатар, Дархан Орхон аймагт мэдрэгдэж байсан байна.