Өнөөдөр өнгөрсөн хоногт нийт 33.219 хүнд шинжилгээ хийснээс 32 хүний шинжилгээнээс халдвар илэрсэн. Үүний зургаа нь "Нэг хаалга, нэг шинжилгээ"-нээс илэрсэн талаар ХӨСҮТ-ийн Тандалт, судалгааны албаны дарга А.Амбасэлмаа мэдээлсэн. Мөн нийслэлд дэгдэлт өндөр байгаа голомтуудын талаар мэдээлсэн. Тухайлбал Сүхбаатар дүүргийн 116 дугаар сургуулиас 14 тохиолдол бүртгэгдээд байгаа бол "Монгол шир" ХК-ийн халдварын тохиолдлын тоо 135, нийслэлийн Амгалан амаржих газраас улбаатай халдвар 69 болсон байна. Амаржих газраас халдвар авагсадын 12 нь ажилтан алба хаагчид байгаа нь бол нэг нь нярай хүүхэд аж. Харин Сонгинохайрхан дүүргийн 21 дүгээр хорооллын халдварын голомт хяналтад орж эхэлжээ.