Манай улсад коронавирусний нөхцөл байдал хүндэрсээр байна. Өнөөдөр гэхэд л 285 тохиолдол бүртгэгдэж,  нийт тохиолдол 5,895 болсон.  Эдгээр батлагдсан тохиолдлуудын ихэнх нь эмэгтэйчүүд аж. Энэ талаар  ХӨСҮТ-ийн дэд захирал Э.Тэмүүлэн “Халдварт ихэвчлэн өртөж байгаа иргэдийн талаар мэдээлэл өгье. Коронавируст халдвараар  нийгэмд идэвхтэй байдаг 25-44 насны эмэгтэйчүүд түлхүү өвчилж байна.  Мөн 60 –аас дээш насныхан илүү хүндэрч байна.  Цаашлаад нас барах тохиолдол байна” гэлээ.