БШУ-ны сайд Л.Энх-Амгалан хүүхдүүдийн халдвар буурч байгаа учир 2 болон 3 настай хүүхдүүдийг цэцэрлэгт хамруулах ажил 11 дүгээр сарын нэгнээс шийдэгдэнэ хэмээн мэдэгдэж байсан. Гэвч УОК-оос энэ талаар өнөөг хүртэл шийдвэр гаргаагүй байна. Энэ талаар БШУ-ны дэд сайд Д.Ганбаяр боловсролын байгууллага дээрх настнуудыг цэцэрлэгт хамруулах бэлтгэл хангагдсан. Гагцхүү УОК болон Эрдэмтдийн зөвлөлийн шийдвэрийг хүлээж байгаа гэдгийг мэдэгдлээ.

 Г.Ганбаяр:    

 - Энэ талаар БШУЯ дангаар шийдвэр гаргаж чадахгүй байна.  УОК болон Эрдэмтдийн зөвлөл 2 болон 3 настай хүүхдүүдийг цэцэрлэгт хамруулбал эрсдэл өндөр байна. Ялангуяа дельта хувилбараар өвчилбөл гэдэсний суулгалт хавтгайрах эрсдэлтэй. Бага насны хүүхдэд ийм шинж тэмдэг дийлэнхэд нь илэрч байгаа юм билээ. 

Тиймээс яам УОК болон Эрдэмтдийн зөвлөлийн шийдвэрийг хүлээж байна. Боловсролын байгууллагын хувьд дээрх настнуудыг анги дүүргэлтээ хязгаарлаад хамруулъя гэдэг саналыг цэцэрлэгийн эрхлэгч нар удаа дараа тавьж байгаа.  Өнөөдрийн байдлаар 84339 хүүхэд халдвар аваад байна. Тэдний 80 орчим хувь нь ахуйн байдлаар буюу гэр бүлийнхнээсээ халдвар авсан байна. Дээр нь багш ажилчид халдвар авсаар байна. Тиймээс яамнаас шууд шийдвэр гаргахад хүндрэлтэй байна.