Нийслэлийн СХД-ийн нутаг дэвсгэрт дээрмийн ноцтой хэрэг өнгөрсөн сарын 24-нд гарчээ. 
Тодруулбал, тус дүүргийн нутагт дэвсгэрт байрлах ломбардны ажилтанд үл таних этгээд хутга тулган сүрдүүлж, бэлэн мөнгө, үнэт эдлэл өгөхийг шаарджээ.
Улмаар ажилтныг ам болон гарыг нь хүлж, скочдон ломбарднаас 500 сая төгрөгийн үнэ бүхий алт, монетон үнэт эдлэл, бэлэн 1.5 сая төгрөгийг дээрэмдээд зугтаажээ.
Цагдаагийн байгууллагаас гэмт этгээдийг улсын хэмжээнд эрэн сурвалжлах ажлыг зохион байгуулж, Дархан-Уул аймгаас дөнгөж сая баривчилжээ. Мөрдөн шалгах ажиллагааг үргэлжлүүлэн явуулж байгааг цагдаагийн байгууллагаас мэдээллээ.