Их Британийн Кембриджширийн нутаг дэвсгэрт зорчиж байсан хурдны галт тэргэнд 2025 оны 11-р сарын 1-ний үдэш олон хүний амь насанд халдсан хэрэг гарч, 11 хүн шархадсан талаар British Transport Police (BTP) болон Cambridgeshire Constabulary албан ёсоор мэдэгдлээ.

Хэргийг орон нутгийн цагаар 19:39 минутын үед London North Eastern Railway (LNER) компанийн “Doncaster–London King’s Cross” чиглэлийн галт тэргэнд гарсан байна. Галт тэрэг Peterborough өртөөнөөс хөдөлж, Huntingdon өртөөнд яаралтын зогсолт хийх үед цагдаагийнхан орж ирэн сэжигтнийг баривчилжээ.

Эхний байдлаар 32 настай Британи иргэнийг “аллага үйлдэхийг завдсан” (attempted murder) хэргээр баривчилсан ба хоёр дахь сэжигтнийг (35 настай эрэгтэй) мөрдөн байцаалтаас чөлөөлсөн гэж The Guardian, Financial Times зэрэг эх сурвалжууд мэдээлжээ.
Цагдаагийнхан уг хэргийг терроризмтэй холбоотой байж болзошгүй эсэхийг шалгасан ч “ямар нэгэн терроризмийн ул мөр илрээгүй” гэж мэдэгдсэн байна.

Хууль сахиулах байгууллагын мэдээлснээр, 11 шархадсан хүний дундаас хоёрынх нь биеийн байдал амь насанд аюултай байгаа аж. Хэрэг гарсан үед галт тэрэгний ажилтнууд зорчигчдыг хамгаалан, сэжигтнийг барих гэж оролдсон бөгөөд нэг ажилтан ноцтой шархаджээ.

BTP-ийн комиссар Роберт Льюис мэдэгдэхдээ:

“Бид энэ аймшигт хэрэгт өртсөн иргэдэд туслахын тулд өдөр шөнөгүй ажиллаж байна. Хэрэгтэнг баривчилсан бөгөөд олон нийтийн аюулгүй байдалд одоогоор эрсдэл байхгүй” хэмээн хэлсэн байна.

Мөрдөн шалгах ажиллагаа үргэлжилж байгаа ба цагдаагийнхан галт тэргэнд зорчиж байсан гэрчүүдээс мэдүүлэг авч, камерын бичлэгийг шинжилж эхэлжээ.

Emergency responders on the platform by the train at Huntingdon station

Эх сурвалжууд: