Манай улсад одоогоор 516 иргэн хяналтад байна. Тэдгээрээс 262 нь ХӨСҮТ-д тусгаарлалтад орж, тандалт судалгаа хийж байна.  ЭМЯ-ны эмнэлгийн тусламжийн газрын дарга Я.Буянжаргал тусгаарлаж байгаа хүмүүсийн талаар "Өнөөдөр Нурсултан-Улаанбаатар чиглэлийн онгоцоор 22 иргэн ирсэн. Үүнээс сэжигтэй болон ажиглалтад авсан хүн байхгүй. Берлин-Москва-Улаанбаатарын чиглэлийн онгоцоор 82 иргэн ирсэн. Тэдгээрээс Япон улсад зорчсон  2 иргэнийг ХӨСҮТ-д тусгаарлан хянаж байна. Москва-Улаанбаатарын чиглэлийн онгоцоор 96 зорчигч ирсэн байгаа.  Үүнээс ХӨСҮТ-д 6 иргэнийг сэжигтэй тохиолдолд тооцон тусгаарласан. Халдварын голомтоос ирсэн 6 иргэнийг мөн ажиглалтад авлаа. Мөн Жаргалантад 10 иргэнийг тусгаарлаад байна" хэмээн мэдэгдлээ.