Эрүүл мэндийн яамнаас коронавирусний талаарх ээлжит мэдээллээ хийж байна.  Өнгөрсөн 24 цагийн хугацаанд вирус судлалын лабораториудад 12940 хүнд PCR шинжилгээ хийхэд 16 хүнээс коронавирус илэрлээ. Эдгээр тохиолдлууд Улаанбаатар хотод бүртгэгдлээ. Баянгол дүүргийн 12 дугаар хорооны 19 дүгээр байрны нэг орцны есөн хүн байна. "Монос" эмийн сангаас улбаатай голомтын гэр бүлийн хоёр хүн байна. Бусад нь батлагдсан тохиолдлын хавьтлаас илэрлээ.