“Хөгжлийн банк”-ны гэх тодотголтой хэрэг шалгагдаж, шүүхээр хэлэлцэгдэж эхлээд дөрвөн жилийн хугацаа өнгөрөөд байна. Энэ хугацаанд уг хэрэг анхан шатны шүүхэд хоёр удаа, давж заалдах шатны шүүхэд нэг удаа, Улсын дээд шүүх-д нэг удаа тус тус хэлэлцэгдсэн.

Хамгийн сүүлд буюу 2025 оны есдүгээр сарын 8-наас 17-ны өдрүүдэд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүх-д 10 хоногийн турш шүүх хурал болж, гурван аж ахуйн нэгж, 19 хүнийг гэм буруутайд тооцон ял оногдуулж, 23 хүнийг цагаатгах шийдвэр гаргасан юм.

Гэвч анхан шатны шүүхийн шийдвэрийг прокурорууд болох Ц.Гансүлд, Б.Ганбулган, Б.Мөнгөншагай, Х.Онолт нар эсэргүүцэн гомдол гаргаснаар хэрэг дахин давж заалдах шатны шүүхээр хэлэлцэгдэхээр болсон.

Улмаар 2026 оны гуравдугаар сарын 2-ны өдөр Нийслэлийн Эрүүгийн хэргийн Давж заалдах шатны шүүх-д шүүх хурал эхэлсэн бөгөөд өнөөдөр 09:00 цагаас үргэлжлэн хэлэлцэхээр товлогдоод байна.