“Хасын Хүлэгүүд” баг 2024-2025 оны улиралд Монголын үндэсний дээд лигийн тэмцээнд өчигдөр ес дэх удаагаа аваргын цом хүртлээ. Энэ оны эхээр Зүүн Азийн Супер лиг МСБХ-той урт хугацааны хамтын ажиллагааны гэрээ байгуулж, тус тэмцээний аварга багийг 2025-2026 онд EASL-д шууд оролцох эрх өгсөн. Тэгвэл энэхүү эрхийн эзэн нь “Хасын Хүлэгүүд” баг боллоо. “Хасын Хүлэгүүд” баг 21 жилийн хугацаанд аваргын цомыг есөн удаа өргөхдөө  сүүлийн хоёр улиралд дараалан түрүүлсэн юм. Финалын тоглолтын үнэ цэнтэй тоглогчоор тус багийн "Ян Миллер" тодорчээ.