Сүхбаатар дүүргийн нутаг дэвсгэр Сэлбэ голын эргээс 2019.09.15-ны өдөр 40 орчим насны, нүцгэн эмэгтэй хүний цогцос олдсон талаар өмнө нь бид мэдээлсэн билээ. Урьдчилсан шалгалтаар талийгаачийг хэн болохыг нь тогтоожээ. Тэрбээр  тус дүүрэгт оршин суух хаягтай, 48 настай О бөгөөд гадны нөлөөтэй нас баржээ. Биед олон тооны шарх үүсэж, бусдад зодуулсан, хүчирхийлүүлсэн байж болзошгүй нөхцөл байдал илэрсэн байна. Хэргийн газраас эд мөрийн баримтаар нэг ширхэг архины шил, гурван ширхэг шар айрагны лааз, цаасан аяга зэргийг хураан авч, шинжилж байна. Уг хэрэгтэй холбоотойгоор өчигдөр хоёр хүнийг баривчилж, шалгалтын ажиллгааг үргэлжлүүлж байна.