#ШУУД: Б.Чойжилсүрэн: Эрчим хүчний салбар 200 тэрбумын алдагдалтай явж байна

Б.ЧОЙЖИЛСҮРЭН:

- Цахилгаан эрчим хүчний үнийг өөрийнх нь өртөгт хүргэх талаар олон жил ярьсан сэдэв. Магадгүй 2024 оны эхний хагаст эдийн засаг, иргэд, ААН-ийн орлого тогтворжих юмбол үнийн өсөлтийг нэмэх тухай ярьж таарна байх. Ингэхгүй л бол энэ жил 200 орчим тэрбум төгрөгийн алдагдал гарч байна.  Энэ бол гарцаагүй нэмэхээс өөр аргагүй шийдвэр. Гэхдээ ковид, Орос Украины цэргийн тусгай ажиллагаа үүнээс шалтгаалсан дэлхийн макро том савлагааны дараа орлого тогтворжоогүй үед бид нар нэмэхээс болгоомжлоод байна.

-  2024 оны нэгдүгээр сараас нэмье гэсэн шийдвэр засгийн газрын хурал дээр танилцуулга хийсэн. Гэвч энэ удаадаа жаахан харзная, иргэдийн орлого тогтворжоод баталгаажсаны дараа энэ тухай ярина гэсэн.

- Цахилгаан эрчим хүчний хэрэглээ бодит суурилсан хүчин чадлаасаа даваад явчихсан. Үүнийг ганцхан жилийн дотор шийдэж амжихгүй. Гэхдээ энэ өвөл арай сэтгэл тайван байж болно. Эхний ээлжинд 80 мвт-ыг оргил ачааллын үед нөхөхөөр Сонсголон дэд станц дээр хураагуур ашиглалтад орж байна. 11 сарын сүүл 12 сард багтаад ашиглалтад орчих байх. 

-  Дорнодын цахилгаан станц дээр 50 мвт ашиглалтад орсноор нөөц гарч ирнэ. Өнгөрсөн жилээс хэрэглээний өсөлт 6-7 хувиар нэмэгдэж байгаа учраас өнгөрсөн жилийнхээ түвшинд явчих байх. 

- 2024 оны 4 дүгээр улиралд багтаад Бөөрөлжүүтийн ЦС ашиглалтад орно. 2025 оны 1,2 улиралд дахин 150 Мвт цахилгаан станц ашиглалтад орно. Өөрөөр хэлбэл 2025 оноос нөөцтэй болно гэсэн үг. 

31.7 тэрбумаар 24500 тонн хагас коксожсон нүүрс авч, Нисэх, Яармаг, Налайхад туршилт хийнэ

- 31.7 тэрбумаар 24500 тонн хагас коксожсон нүүрс 12 дугаар сарын 15-наас нэгдүгээр сарын 31 хүртэлх 45 хоногийн хугацаанд Нисэх, Яармагийн орчим, Налайх дүүрэг болон Дархан-Уул аймгийн гэр хорооллын 26.825 айл өрхүүдийг хагас коксожсон шахмал түлшээр хангана.  31.7 тэрбум буюу нийслэлийн бондоор 24500 тонн хагас коксожсон нүүрс, асаагч оруулж ирнэ.