Замын-Үүд дэх Дардан гаалийн хяналтын бүсэд гарсан зөрчил болон гаалийн бүрдүүлэлтийн нөхцөл байдлын талаарх мэдээллийг тоймлон хүргэж байна.

2026 оны 4 дүгээр сарын 1-нээс 8-ны өдрүүдийн хооронд тус хяналтын бүсэд гаалийн хууль тогтоомж зөрчсөн, татвараас зайлсхийсэн нийт 8 зөрчил илэрчээ. Зөрчил гаргагчид барааны нэр төрөл, тоо хэмжээг буруу мэдүүлсэн бөгөөд үүний улмаас:

  • 53.3 сая төгрөгийн татвар, торгуулийг улсын төсөвт нөхөн төвлөрүүлсэн байна.

  • Шалгалт хийх явцад татвар төлсөн төлөвт шилжсэн бараанаас нэр төрөл, тоо хэмжээний зөрчлүүд илэрсээр байгааг гаалийн байгууллага мэдээллээ.

Одоогийн нөхцөл байдал: 

  • Нийт 123 бараа, тээврийн хэрэгслийн үлдэгдэлтэй байна.

  • 41 ачаатай тээврийн хэрэгслийн бүрдүүлэлт дуусаж, барааг эзэнд нь олгосон.

  • Одоогоор ачаалал хэвийн үргэлжилж байгаа бөгөөд 43 бүрдүүлэлтээр 41 бараа, тээврийн хэрэгсэл гаалийн хяналтаас гарчээ.

Хэвийн үед өдөрт дунджаар 80 тээврийн хэрэгсэл хуваарилагдаж, 65–70 нь гаалийн хяналтаас гардаг бол 4 дүгээр сарын 2-ноос 7-ны өдрүүдэд энэ тоо эрс буурсан байна. Дээрх хугацаанд улсын хилээр орж ирсэн боловч гаалийн байгууллагад бараагаа мэдүүлээгүй тээврийн хэрэгслүүд өмнөх өдрүүдээс нэмэгдсэн үзүүлэлттэй байсныг Монголын гаалийн байгууллагаас онцолжээ.